Caesar se Geskenk

’n Legioensoldaat kry ’n dorpie as geskenk van Julius Caesar met sy eervolle ontslag ná twintig jaar. Hy verkwansel egter sy geskenk vir kos en baie drank. Die Galliër wat die geskenk oorneem, kom egter bedroë daarvan af: niemand in Asterix se dorpie neem Caesar se gesag ernstig op nie. Dit lei tot politieke drama, konflik met die Romeine, chaos en pret ... en natuurlik die tradisionele slotfees!